- قصة رعب زوجي جني قصة رعب زوجي جني - qalam2 -->
U3F1ZWV6ZTE5Njg1NzI2OTY3X0FjdGl2YXRpb24yMjMwMTIxMjc5MzM=
recent
أجدد المواضيع على قلم2

قصة رعب زوجي جني

قصة رعب .. زوجي جني

زوجي جني
زوجي جني

حلو شعور الوحدة تتزوج عن حب ؟! 

كيف بكون هاد الشعور يا ترى ؟؟!

ناس بتحكي إنه اللي بتتزوج حدا عن حب ، بعد فترة بصير طلاق بينهم .. وناس بحكوا إنه هاد الحب راح يكون أبدي ..

إمي وأبوي تزوجو عن حب ، وفي علاقة ودية كتير بينهم .. بتصير مشاكل أحياناً .. لكن برجعوا بتصالحوا بسرعة

دايماً بحلم إني أحب واحد ونتزوج بعض عن حب .. لكن النصيب كان إنه تيجي وحدة تشوفني وتطلبني لإبنها ..

أول سنة كانت صعبة علييّ .. كتير حماتي بتعمل مشاكل معي .. ومرة بتحكيلي :

( إنتي سرقتي إبني مني )

كان الحل الأفضل إنه نرحل من عندها ، خاصة إني كنت حامل وخفت أتمشكل معها ، وأنزّل اللي ببطني !!

بعد ما رحلت من عندها .. أول 3 شهور كنت مبسوطة بالبيت الجديد ، وجبت معتصم وقررت أعوّض كل الحب اللي ما شفته بحياتي وأكون أحسن أم إله ..

****

ضليتني حاضنة إبني وبرضع فيه وأنا ببكي ، وبستنى زوجي لحتى يروّح من عند إمه ..

وصل على البيت الساعة 12 بالليل ، وما حكى معي ولا كلمة ..

دخل على غرفة النوم ، وحط راسه ونام

الصبح ، بصحّي فيه لحتى يقوم على الشغل وياكل فطوره ..

أفطرت أنا وياه مع بعض ، صفن فييّ وصار يحكيلي :

" أنا اسف حبيبتي عاللي صار إمبارح ، ما بعرف ليش هيك عصبت عليكي .. سامحيني "

الظهر ، اتصلت بأختي إسراء على دبي وخبرتها بكامل التفاصيل اللي صارت معي امبارح ..

حكتلي إنه لازم التزم بالصلاة وبقراءة القرآن لحتى ما يصيبني أي أذى ..

اقتنعت بكلامها ، ومن زمان بدوّر على حدا ينصحني هيك ..

خلصت الجلي بالمطبخ ، ورحت بدي أصلي المغرب ..

وأنا عم بصلي ، صار ابني معتصم يعيّط ..

شكله صحي من النوم !!

والله قبل شوي حطيته بالسرير ونام !!

استعجلت بالصلاة شوي ، لحتى أخلّص وأشوف ماله ..

باب الغرفة عندو ، صار يفتح ويسكّر بصوت قوي !!

قطعت صلاتي ..

رحت عليه ، حملته لحتى يهدى ..

حطيّته على الكنباي وراي ، ورجعت أصلي مرة تانية ..

صار ابني معتصم يطلّع أصوت ضحك !!

وبضحك بصوت عالي .. حاسة في حدا عم بلعب معه ..

بعد شوي سكت لحاله !!

خلصت صلاة ، سلمت يمين وشمال ..

بستغفر ربنا ، وبطلّع على الكنباي ، معتصم مش موجود !!!!!!!

وينه بسم الله !!!!

رحت على غرفته ، لقيته نايم على السرير !!

ابصر شو عم بصير معي ، لازم اروح على الدكتور افحص حالي ، صايرة أهلوس كتير ..

وصل زوجي من الشغل ..

حطّيتله أكل ، مشان ياكل ..

سألني ليش ما بدك تاكلي معي ؟

قلتله قبل ما تيجي أكلت ، صحتين وعافية حبيبي .. بدي اروح أجيب معتصم ، هي صوته بعيّط .. شكله صحي من النوم ..

لسة يدوب وصلت معتصم وحملته ، صار ينادي علي بصوت عالي وعصبية

- مالك حبيبي ، ليش بتصرخ ؟؟

- شو هاد اللي حاطيته بالأكل ؟

- شو حاطة انا ؟ عاملتلك طبيخ اوزي إلك

- تعالي واطلّعي بالصحن شو في جواته

شعر !!

من وين أجى الشعر ؟؟؟

كمشة شعر كبيرة بالصحن !!

قام عن الأكل ، وصار يحكي :

شكلي راح كل يوم أوكل عند أهلي من وراكي .. حاسك بدك تقتليني ولا بدك تعمليلي شي وترتاحي مني

وطلع من البيت وتركني

اقسم بالله من كثر ما بكيت .. إنه نشفوا دموعي ..

جبت معتصم جنبي على السرير ، وضليت نايمة لثاني يوم وانا ببكي

****

جاية عنا حماتي هي وبناتها التنتين يوم الجمعة زيارة ،

كان زوجي عازمها عنا على الغدا ..

طول الوقت وهي بتطلّع على البرواز الموجود بغرفة الضيوف ..

والله شكلي بدي احرقه لهاد البرواز تبعها ، بس خايفة زوجي يزعل ..

بتحكيلي : هاد البرواز راح يحميكي انتي وجوزك ان شاء الله ، لانه فيه المعوذات *مع ضحكة طويلة

برد عليها : الحامي ربنا ، مش البرواز يا عمتي

وهي ضلت تطلّع بالبرواز تضحك ومبسوطة ،

صارت الساعة 11 بالليل ، وبدهم يروّحوا على بيتهم ،، عم بحكيلي زوجي ، بدو يطلع هو يوصلهم بسيارته ..

وراح يتأخر شوي لما يجي على البيت ، لحتى يشوف صحابه ويلعبوا مع بعض تريكس

حضنته وحكيتله حبيبي لا تتأخر وانتبه على حالك منيح ..

وحماتي بتطلّع علي وبتهز براسها

رضعت معتصم وخليته ينام على السرير جنبي ،،

كتير تعبانة من العزومة اللي عملتها اليوم ..

****

- الساعة 2 ليلاً

بسم الله الرحمن الرحيم ،

شو هالحلم الزفت هاد !!

حلمت إنه جاية حماتي عندي وسرقت ابني ، وكانت بتضحك !!

اعوذ بالله من الشيطان الرجيم ..

جوزي لهلا ما أجى ، خليني أروح أغسل وجهي وأشرب مي وأكمل نومتي ..

اعطيت معتصم بوسة على راسه ، وغطيّته باللحاف منيح

رجعت على السرير ، معتصم مش موجود !!!!!!

سامعة صوته عم بضحك بغرفة الضيوف ، في صوت حدا بلعب معه .. وصوت التلفزيون شغال !!

رحت على غرفة الضيوف ، وبضوي فيها ..

الضو مش شغال ..

إنت متى أجيت على البيت ؟؟

ما رد علي زوجي ولا كلمة .. ومش راضي حتى يطلّع فيي

طيب ليش ما طلعت صوت لما دخلت على البيت أو عملتلك شي ولا بدك تلمسني بهالليل !؟؟؟

وكيف أخدت معتصم عن السرير ، وما شفتك ؟؟

طيب اطلّع فيي وانا بحكي معك !!

بحكي معك يا ابن الحلال !!!!!

بسم الله الرحمن الرحيم !!

مين هااااد ؟؟؟

هاد مش زوجي ..

عيونه لونهم أحمر ، واضافره طويلة .. وما في إله رجلين

مين إنت ؟؟؟؟؟؟؟؟؟؟

ليش ماسك ابني ؟؟؟

وصرت أصرخ بصوت عالي ..

بلحظة إختفى وراح ، وصار معتصم يعيّط ..

مسكته وصرت أقرأ قرآن وخايفة وبرجف ..

بتصل على زوجي ، بفصل علي

بعد دقيقتين ، جرس البيت برن ..

بحكي لجوزي وأنا بعيّط ، مشان الله ما تتركني لحالي بالبيت ، هاد البيت فيه شياطين وعفاريت أقسم بالله العظيم

صار يهدي فييّ ، ويسألني عن اللي صار ..

الاسمبريد إلكترونيرسالة