- شركه الاكسلنس - دفنوا احياء شركه الاكسلنس - دفنوا احياء - qalam2 -->
U3F1ZWV6ZTE5Njg1NzI2OTY3X0FjdGl2YXRpb24yMjMwMTIxMjc5MzM=
recent
أجدد المواضيع على قلم2

شركه الاكسلنس - دفنوا احياء

شركه الاكسلنس - دفنوا احياء

قصص رعب
شركه الاكسلنس - دفنوا احياء


دفنوا احياء
القصه دى مختلفه جدا لدرجه كبيره وفيها احداث غريبه جدا طيب هتصدقونى لو قولتلكم ان الى بيحكى القصه اصلا ميت ايوه ميت مش فى الدنيا بس قبل ما يموت ساب رساله مهمه اوى رساله ممكن توضحلك الشخص ده والى معاه ماتو واتدفنو احياء ليه بتاريخ 5/10/2014

عثرت الشرطه على ثلاث جثث مدفونه فى أحد الاراضى الخاليه الارض دى كانو بيستعدو يبنه عليها عماره بعد الحادث بأسبوع صدفه غريبه اثناء الحفر العمال وجدو 3جثث متعفنه ولقو ان على بطن واحد فيهم مجموعة ورق وبعد التحقيقات والتحريات عرفو هوية الثلاث جثث . محمد عبدالله صابر . مجدى اشرف عبد الفتاح.. أيمن سليمان رؤف .... هى دى هوية الثلاث جثث واكتشفو ان الثلاثه اصدقاء وكانو فى رحله للأسكندريه ومرجعوش المهم دلوئتى القصه او التفاصيل كل ده هنلاقيه فى مجموعة الورق الى لقوها على جثت ايمن .. مجموعة الورق كان فيها ملخص القصه دى كلها وكان هوا ده الى مكتوب انا ايمن 25 سنه قصتى ابتدت وهتنتهى مع 2 اصدقاء محمد عبدالله و مجدى اشرف اكتر اصدقاء ليه القصه بدأت برحله للأسكندريه انا و محمد ومجدى روحنا الاسكندريه وقضينا يوم جميل هناك واتبسطنا جدا وفى طريق العوده كان مجدى بيجرى بالعربيه بسرعه جدا فضلت اقوله براحه شويه يا مجدى براحه يا مجدى لكن مجدى كأنه مش سامعنى وكان بيجرى لحد ما فجأه حصلت حاجه وقعت قلوبنا كلنا شخص عدى من الطريق من قدام العربيه ومع سرعة مجدى خبطنا الشخص ده والعربيه كانت على وشك انها هتتقلب مجدى وقف محمد قاله مستنى ايه امشى بسرعه زمان الراجل ده مات انت محستش بالخبطه الى ادتهاله مجدى مكنش عارف يتكلم من كتر الصدمه قولت لمحمد استنى انا هنزل اشوف الشخص الى خبطناه قالى لا هتروح فين قولتلو انا هنزل يعنى هنزل فتحت باب العربيه ونزلت طبعا على الطريق الصحراوى متشوفش الا كشاف العربيه هى كانت الرؤيه واضحه شويه بس الغريبه انى ملقتش حاجه مفيش حد على الطريق طيب فين الراحل الى خبطناه محدش يعرف ملقتش الا عصايه خشب عمله زى العكاز محمد قالى فين الراجل قولتلو مش عارف قالى طيب يالا نمشى من المكان ده لفيت وركبت العربيه مجدى جه يدور العربيه لكن العربيه مش بتدور سمعت صوت حاجه وقعت على سقف العربيه قولتلهم اسمعو كده مجدى قالى فى ايه خير انا بدأت اخاف قولتلهم اسمعو الصوت اتكرر تانى وفى حاجه وقعت على العربيه طلعت من العربيه وبصيت على السقف لقيت مسامير كبيره بصيت لمحمد قولتلو دى مسامير طيب جت منين مجدى قال اركبو بسرعه المكان ده فى حاجه مجدى حاول يدور العربيه لكن برضه مش عيزه تدور وفجأه لقينا العربيه بتتهز جامد محمد فضل يزعق ويقوله اطلع من المكان ده والعربيه كانت بتتهز بطريقه غريبه والعربيه دارت ومجدى جرى بالعربيه محمد قاله اهدى شويه سوق بالراحه خلاص طلعنا من المكان طبعا كلنا كنا قعدين عمالين نقراء قرأن وبالصدفه بصيت لقيت يافطه على الطريق مكتوب عليها المقبره الكيلو 50 قولت لمحمد محمد انا شوفت حاجه غريبه فى يافطه مكتوب عليها المقبره الكيلو 50 قالى ايه يا ايمن انت هتخرف مجدى قالى بقولك ايه متخوفنيش بئه يا مجدى اسكت قولتلهم والله شفتها كان مكتوب المقبره الكيلو 50 محمد قالى تخيولات يا ايمن انسى بئه قولتلو ماشى هنسى ..... بس انا من جوايه مش ناسى ومش ناسى ايه الى حصل للعربيه ومش ناسى الراجل الى خبطناه واختفى ... وصلنا القاهره وكل واحد فينا روح بيته من كتر التعب نمت على السرير . مر حوالى اسبوع وفى يوم كنت واقف فى الشباك والتليفون رن كان محمد هوا الى بيتصل رديت محمد كان صوته خايف جدا قولتلو مالك يا محمد قالى ايمن بص واضح ان الحادثه الى عملنها فى الاسكندريه ليها تأثير كبير اوى قولتلو يعنى ايه مش فاهم قالى يعنى انا بشوف واحد شعره ابيض وعنيه سوده جدا وشه زى مايكون مشقق حاجه كده عمله زى الشيطان ايمن انا مش عارف اعمل ايه انا بقيت اخاف من خيالى والى خلانى اخاف اكتر مجدى شاف برضه واحد قاعد فى الضلمه واحد هوا ميعرفهوش واحد ملهوش ملامح اساسا عباره عن حاجه لونها اسود قعده كأنه خيال قولتلو طيب اشمعنى انا الى مشفتش حاجه ...وفجأه سمعت صوت عزف حد بيعزف على الة الناى كان راجل عادى من الى بيمشو فى الشوارع وفجأه وقف عن العزف وبصلى وسبحان الله هوا هوا الوصف الى وصفهولى محمد الوش المشقق الشعر الابيض العيون السوداء التليفون وقع من ايدى وجسمى كله زى ما يكون اتكهرب دخلت بالراحه وقفلت الشباك ومسكت الموبيل وقولت لمحمد بصوت واطى محمد الشخص الى بتتكلم عليه ظهرلى دلوئتى حالا وقفلت التليفون وقعدت عمال افكر هوا ايه الى بيحصل فضلت قاعد قلقان طول اليوم قاعد فى مكانى لحد الساعه 10 بليل ومن هنا بداء الموضوع يتغير خالص حسيت ان النور بتاع الشقه بداء يضعف اللمضه الى بتنور بدأت يحصل فيها حاجه بقت تولع وتطفى تولع وتطفى طلعت علشان اشوف فيها ايه مكنتش عارف ايه العطل الى فيها فضلت احاول اصلحها لكن مفيش فايد ولقيت نور الاوضه بتعتى لوحده بيولع دخلت جوه طفيت النور لقيت النور الى بره فى الصاله اتطفى خالص بدأت اقلق مش علشان النور اتطفى لا علشان فى حاجه جوه الضلمه بتتحرك بشكل غريب انا سامع صوتها وهى بتتحرك وفجأه فى أقل من ثانيه لقيت حاجه بتمسكنى من ضهرى ومكتفه جسمى حاجه انا مش شايفها وقربت من ودانى وقالت هندفنك حى الحاجه الى قربت منى انا مشفتحاش بس هى ايادى خشنه جدا نفسها سخن جدا خلتنى من كتر الصدمه اقعد على رجلى ومتحركش وبدأت من هنا اشوف الصدمه التانيه نور جى من اخر الصاله ايه ده ده واحد راجل ماسك فى ايده شعلة نار وحوليه ناس كتير كلهم لبسين اسود ووشوشهم مش باينه كانو بيقولو كلام غريب كان صوتهم خشن جدا رجليهم مش رجل بنى ادمين رجليهم عمله زى رجل الفراخ رجل لونها اصفر كانو كل ما يقربو منى كانو بيختفو تدريجيا لحد ما وصلو مفيش مسافه ما بينى وما بينهم واختفو خالص فى الوقت ده انا كان جسمى عاجز عن الحركه لدرجة انى كنت بزحف على بطنى علشان اوصل للباب وفعلا وصلت للباب وفتحته وكملت زحف لحد ما لقانى واحد من الجيران اسمه وفيق قالى استاذ ايمن مالك انت تعبان قومنى من على الارض وحاول انه يدخلنى الشقه قولتلو لا لا متدخلنيش الشقه وفجأه ظهر تانى قدامى الكابوس ظهر تانى الراجل الى وشه مشقق وشعره ابيض وعنيه سوده قولتلو ابعد عنى الراجل ده ابعده عنى قالى هوا مين يا استاذ ايمن مفيش حد قولتلو واقف على السلم قالى مفيش حد واقف على السلم يا استاذ ايمن قولتلو طيب مشينى من هنا قالى طيب تعالى اطلع عندى الشقه فوق قولتلو ماشى جابلى لمون وقعدت قالى احكيلى بئه يا استاذ ايمن فى ايه .... طبعا انا مفيش حاجه بأيدى لازم كده كده احكى لسه هبتدى احكى لقيت باب الشقه بتعتى بيخبط جامد بصيت لوفيق وبدأت اترعب قالى متخفش هشوف مين الى بيخبط فتح الباب ونزل وطلع تانى لقيت وفيق طالع ومعاه مجدى صحبى ومجدى على وشه علامات القلق قولتلو فى ايه قالى احكى عادى قولتلو اه احكى قالى محمد قولتلو مالو قالى اتجنن بقى يكسر كل حاجه قدامه المشكله مش فى كده المشكله فى ملامح وشه المخيفه ملامح وشه ثابته قولتلو ازاى يعنى قالى على طول عينه مبرقه جامد وحوجبه مرفوعه لفوق وعلى طول بيضحك واى حد قدامه بيضربه بعنف وشايف حجات محدش بيشوفها بئه عامل زى الشيطان قولتلو هوا فى البيت قالى اه واهله حطينو فى اوضه وقفلين عليه وهوا عمال يصرخ جامد ويخبط عامل زى المجنون وفيق قالنا اقعدو بس عايز افهم الحكايه يمكن اسعدكم لسه هبداء اتكلم معاه سمعنا صوت جى من اوضه وفيق بص للأوضه وقال ايه الصوت ده دى صوت الالعاب بتاعة بنتى بس ازاى بنتى مش موجوده ولا هى ولا مراتى فتح الباب لقينا كل العاب بنته شغاله العربيه اللعبه بتمشى لوحديها العرايس بتعتها بتطلع صوت كل حاجه شغاله انا بدأت ابص لمجدى ومجدى يبصلى وبدأت اخاف على عكس وفيق الى فصل كل الالعاب بهدوء وقفل الباب وفجأه لقيت مجدى بيشاور على ركن من اركان الشقه ومش عارف يتكلم وفيق بصله قاله فى ايه قاله واقف هناك الراجل الى وشه متشقق بيضحكلى مسكت فى مجدى قولتلو اهدى وفيق قرب من الركن وحط ايده على الحيطه وفضل ساند على الحيطه شويه ومره وحده لقينا بيقول بسم الله الذي لايضر مع اسمه شيء في الأرض ولا في السماء وهو السميع العليم وفضل يكررها كتير وبصوت عالى وصوته كل شويه يعلى اكتر وفجأه سكت وقالنا مهما كانت حكايتكم سيبو الشقه انا اسف يا استاذ ايمن لكن انا عندى بنت عايز اربيها قولتلو طيب ايه الى حصل بس يا استاذ وفيق قالى الى حصل انى لمست جسم شخص انا مش شايفه وجسمه سخن وصحبك شافه فى حاجه غريبه بتحصل محدش يعرفها بعد اذنك يا ايمن شرفتنى قولتلو حقك يا استاذ وفيق تعمل اكتر من كده خدت مجدى وبدأنا نتجه لبيت محمد نشوف حالته هتصدقونى لو قولتلكم انى سامع صوت صرخاته من اول ما دخلت العماره انا كنت كل ما اطلع على السلم كان جسمى بيترعش من الخوف حاسس انى طالع لحاجه مش كويسه خبط على الباب والدته فتحتلى قولتلها انا صديق محمد وجى اشوفه هوا عامل ايه قالتلى والله يابنى حالته صعبه ومش عرفين نعمل حاجه قالتلى خش بص عليه بس من بعيد يابنى دخلت لقيت شيوخ وقفين على باب الغرفه المقفوله وبيقرأه قرأن وسامع صوت محمد بيقول افتحولى مش عايز اقعد معاه فى الاوضه بصيت لمجدى وقولتله مستعد قالى اه قولت لأهله انا هحاول محوله معاه فتحت الباب لقيت ملامح محمد زى ما وصفهالى مجدى بالظبط اول ما شفنى فضل يضحك وحسيت ان نبرة صوته بدأت تتغير وقالى انت جيت قولتلو اه بص فوق فى السقف ومره وحده الباب اتقفل علينا مجدى فضل يقول بسم الله الرحمن الرحيم بسم الله الرحمن الرحيم قولت انت مش محمد انت مين بصلى وضحك قال انا طالع من القبر انا والقبر حاجه وحده قولتلو انت اسمك ايه فضل يحرك رقبته بشكل غريب ويضحك ومش بيرد قولتلو اسمك ايه قالى اسكت متتكلمش وفجأه النور قطع مجدى قالى هنموت هنموت قولتلو استنى اسكت فتحت كشاف الموبيل لقيت شئ غريب جدا محمد واقف على السرير بس مش واقف على رجله ده دماغه تحت ورجله فوق وبيضحك برضه مجدى قالى انا قلبى هيقف يا ايمن انا اكيد بحلم وفجأه لمه دققت فى وشه لقيت ان ده مش وش محمد ده وش مشقق هوا الراجل العجوز وفجأه نزل من على السرير وبدأ يهاجم مجدى وفضل يضرب فى مجدى وانا اخبط على الباب اقولهم افتحو الباب وهما بيحولو يكسرو الباب وانا بحاول معاهم وفعلا اتفتح الباب مجدى جرى فى الشارع انا جريت وراه بس ملحقتهوش حسيت بأحباط شديد قررت انى اقعد عند جدتى فعلا روحت وقعدة فتره من اسوء فترات حياتى لأنى كنت كل يوم بحلم بالراجل ده لحد ما فى يوم صحيت من النوم لقيت على الحيطه مكتوب ارجع المكان الى حصل فى الحادث لا والغريبه ان القلم الى مكتوب بيه فى ايدى تقريبا كده انا الى كتبته وانا نايم لقيت اتصال من مجدى قالى نفس الرساله وقالى انا معايه حمد هوا فى حاله كويسه شويه يالا نرجع مكان الحادث وفعلا اتجمعنا وبدأنا نتجه لمكان الحادث والغريبه ان كلمة القبر الكيلو 50 بدأت اشوفها تانى وكل يافطه عليها كلمة كيلو الاقى مكتوب عليها المقابر ووصلنا المكان وفضلنا مستنين لحد ما جت ساعه معينه ولقينا حاجه خبطط العربيه مجدى بص فى الرايه لقى شخص واقع على الارض قالى بص قولتلو ده نفس الشخص الى خبطناه تقريبا وفجأه قام من على الارض كان لابس اسود والى كنا متوقعينو حصل طلع هوا هوا الراجل الى خبطناه قبل كده بالعربيه مجدى نزل من العربيه ونزل محمد وفضلنا مشيين وراه وانا من هنا بقولكم انى بكتب اخر كلماتى قبل ما اتعاقب على الفعل الى عملته وقبل ما اتدفن حى لو فى حد زعلته ياريت يسامحنى ويدعيلى .... امضاء الفقيد ايمن سليمان رؤف

وهنا اخر الرساله فى حاجه مش مفهومه فى جزء من القصه ناقص هوا ايه الى دفع ايمن والى معاه يمشو ورا الراجل وايه الى يخلى انسان عاقل يدفن نفسه وايه الى حصل بعد ما مشيو ورا الراجل ده الله اعلم ومين هوا الى هيعاقبهم

لكن قبل ما اختم احب اقولكم ان الظابط الى كان بيحقق فى القضيه كان بيقلب فى بعض الصور لقى صوره بتاريخ اليوم الى قبل ما يسافرو اسكندريه اول مره الصوره دى متصورين فيها هما الثلاثه فى مجمع التحرير ولاحظ الظابط شئ غريب ان فى وراهم بمسافه نفس مواصفات الراجل الى بيتكلمه عنه فى المذكرات لابس اسود ووشه مشققوعنيه سوده وباصص نحيتهم الظابط نده زميله علشان يشوف الصوره فى اللحظه دى المكتب كله اتقلب الملفات بقت تطير والكراسى تقع والمكتب يقع كأن حصل زلزال القضيه مش عاديه القضيه الى تسبب فيها استحاله يكون بشر أكيد هوا من عالم اخر.
الاسمبريد إلكترونيرسالة