- لحن الموت .. قصة رعب لحن الموت .. قصة رعب - qalam2 -->
U3F1ZWV6ZTE5Njg1NzI2OTY3X0FjdGl2YXRpb24yMjMwMTIxMjc5MzM=
recent
أجدد المواضيع على قلم2

لحن الموت .. قصة رعب

لحن الموت .. قصة رعب

قصص رعب, افلام رعب, فيلم رعب
لحن الموت
(((لحن الموت)))
بكرا هخرج ومش عارف هيحصل فيا ايه !!؟
صديقي عادل هو صديق الطفولة.. جاري وساكن في البيت اللي قصادي يعتبر اخوات من زمان جدا.. ديما بنسهر مع بعض ونخرج وامبارح كنا مع بعض لحد بعد منتصف الليل انا طلعت البيت دخلت اخد دش .. لقيته رن عليا كتير ..وفي فويس منه علي واتساب ..

""كريم رد عليا ..!! كريم أنت مبتردش ليه !! انت نايم.. أوعي تكون نمت ..!! كريم في حاجة غريبه بتحصل من أول ما دخلت الشقه.. سمعت صوت حد بيضحك بصوت عالي.. بس قولت يمكن تخيلات.. بس بعد دقايق نور البيت طفي.. ومش عارف حطيت الموبيل فين.. فضلت ادور لحد م سمعت صوت أغنيه شغاله من الموبيل.. بس الصوت جاي من الحمام ..!!

كريم انت عارف كانت نفس الأغنية اللي كانت شغاله يوم الحادثه من 6 شهور ..!! انت فاكر الحادثه اللي خبطنا فيها الشاب وجرينا وموقفناش.. نفس الأغنية.. !!
انا كنت بطلت أسمع أغاني من بعدها.. انا شامم ريحه نار جايه من الصالة.. كريم تفتكر هو.. تفتكر جاي ينتقم مننا.. وهيعذبنا ..!!

كريم ارجوك.. ارجوك تعالي الحقني.. انا سامع صوته وهو بيغني الأغنيه.. كريم النار بتزيد بره ومش عارف اخرج من الحمام ..!! كريم أنا خايف.. خايف من الشخص اللي بره ده.. أنا سامع الصوت بيقرب ارجوك قوله ان مش انا اللي كنت سايق ارجوك قوله اني كنت جمبك بس ..!!
كريم انا شايف الخيال من تحت باب الحمام.. كريم ارجوك الحقني باب الحمام بيفتح ..!!""

كان بيبكي بصوت عالي وبيصرخ بصوت هيستيري ..!! كان بيترجاني وانا كنت بسمع وانا مصدوم ومش عارف اعمل ايه !!.. صوت الشخص اللي بيغني كان واضح جدا في الفويس..لدرجه اني كنت حاسس انه هو الشخص ..!!

دخلت البلكونة وبصيت علي شقه عادل ..!! لقيت كائن شكله غريب بيبص عليا.. نظرته كانت كلها رعب وانتقام.. كان قلبي هيقف ..!! ابتسم.. بس ابتسامة غير عاديه كانت مرعبه وكأنه جاي ينتقم ..!!
كنت خايف.. اتصلت بالشرطة وجم.. حكيت اللي حصل.. وسمعتهم التسجيلات.. فتحو الشقه.. كان ميت.. ميت نظرته مخيفه جدا.. الأطباء قالو أنه ميت مخنوق من ريحه الدخان.. برغم ان مكنش فيه أي آثار للنار في الشقه ..!!

اعترفت.. مقدرتش انكر.. كنت عايز اعرف الشاب اللي خبطه عايش ولا مات.. يمكن خد نمرة العربيه وجه عشان ينتقم ..!!
الغريب أنه طلع مات.. مات بعد الحادثة بساعات ..!! اتقبض عليا واتسجنت ..!!
كنت كل يوم بحلم بنفس الشاب ده وهو بيقولي هنتقم منك يوم خروجك ..!! هتموت زي صحبك ..!!
بكره هخرج مش عارف هيحصل فيا ايه ..!! تفتكرو الروح هتنتقم مني ..!!
الاسمبريد إلكترونيرسالة